CLICK HERE FOR THOUSANDS OF FREE BLOGGER TEMPLATES »

Wednesday, October 22, 2008

لما الوجع بيزيد


لما الوجع بيزيد على قلبى بحتاجلك

لما السكون يسكن وجدانى بندهلك

أنا اه بعيش و بمثل الفرحة

لكن محستهاش بعدك ولا قبلك

29 comments:

فارس بلا جواد said...

الله علي المعني
كتير بنحاول نمثل الفرحة ونقنع نفسنا إننا عايشنها بس يمكن اللي جربها بجد هو اللي يعرف معناها
لكن دايما الأمل هو اللي بيخلينا نقدر نكمل الحياة ونفضل نستني يمكن الفرحة اللي بنتمناها نلاقيها
وحشتني رباعياتك الجميلة وربنا يفرح قلبك دايما
تحياتي

سهر الليالي said...

كتير بنحس بالحاجه لشخص بنحبه يكون قريب مننا ويحس بينا
بس كتير مش بنلقيه
او انه بيبقي موجود لكن لما نكون محتجينه مش بنلقيه

تحياتي
فراشه الشتاء

kochia said...

مهما فرحنا متبقاش الفرحة كاملة من غير الل بنحبه
ومهما حزناساعات مش بنحس بالرضا الا بمواساة من نحبه

WhItE HeArT said...

انتي هتبهدليني في مدوناتك على فكره

بالكلام اللي بتكتبيه في الجزء بتاع التعليق ده

ماعلينا

تدوينة جميله واروع مافيها ان اغلبها بعنوان عجبي

وعجبي

تحياتي

ahmed_k said...

كلماتك دي لا أملك أمامها
إلا أن أقول الله
ويا بخت اللي متوجهه ليه

منه مرتجى - عازفة الأوتار said...

فارس بلا جواد
أشكرك على وجودك
و انت ممن انتظر تعليقاتهم بلهفة لجمالها و عذوبتها

الفرحة .... كلمة تخبىء فى طياتها الكثير
نتذكرها احيانا و لا نملك لجام تلك الدمعة الجامحة التى تكسر يواية الجفون و تمضى إلى أجل غير مسمى

لك كل تقديرى و احترامى اخى الغالى

منه مرتجى - عازفة الأوتار said...

سهر الليالى او فراشة الشتاء

كلماتك فى محلها غاليتى
ذاك الشخص دائماً لا نجده


دمتى بكل ود و حب

منه مرتجى - عازفة الأوتار said...

ياااه يا كوشيا
بجد كلامك حلو جدا
مش حقدر اقولك غير انه رائع و انى حساه بجد

تسلم ايدك يا قمر

منه مرتجى - عازفة الأوتار said...

white heart
بجد نورتنى بوجودك هنا
و ميرسى على كلامك الجميل ده
بس احلى حاجة فيك انك بتسمع الكلام بتاع التعليقات ههههه

و عجبك :)

تسلم

منه مرتجى - عازفة الأوتار said...

أحمد

لا تكتمل الرباعية إلا بوجودك فيها
انت تعتبر من مؤسسين المدونة دى معايا
و من اوائل الناس اللى شجعتنى انى اكمل فى المدونة دى انت و فارس بلا جواد

بشكرك على كلامك الجميل ده و اتمنى اكون استحقه

دمت بكل ود و خير

أسير الجراح said...

عازفة الاوتار


الاغنية بتاعة رامى صبرى


اسمها غمضت عينى


فى الالبوم الجديد


اسير الجراح

سنووايت said...

رباعية جميلة اوي
جميل انك تحس الفرحة الحقيقة يوم
بس الامل انها تظل موجودة ولا ترحل
تحياتي لكلماتك الجميلة

ahmed_k said...

إزيك يا منه
فين الجديد؟؟؟؟؟؟؟؟؟؟؟؟؟؟؟
طمنيني عليكي
أرجو أن يكون ما يمنعك خيرا

احمد حسن احمد said...

الاوله عجبى
عجبى علي بنيه تتمشى جوانا
تلمس صبا قلبنا وحروفها تملانا
انس ورضا منها كلمتها دايسانا
وانا من كلامها بقول ياقلبى اه يانا
وعجبى

والتانية عجبى
عجبى عليك ياوتر مشدود على ضلوعى
بتغنى لحنك صبا نسيتنى لون جوعى
وانا كنت فاكر انا وجعى بلا صاحب
بس التقيتك وجع توبك كما توبى
وعجبى

منه مرتجى - عازفة الأوتار said...

أسير الجراح
ميرسى كتير على اهتمامك
و ذوقك الجميل

نورتنى

منه مرتجى - عازفة الأوتار said...

سنوايت

ألف شكر لمرورك و تعليقك الجميل يا قمر

نورتينى و يا رب ايامك كها تبقى فرحة و سعادة

منه مرتجى - عازفة الأوتار said...

أهلا يا احمد

ازيك

انا بخير الحمد لله
بس دلوقتى بقيت مش متحكمة فى وقتى زى الأول بسبب الشغل
لكن المانع خير متقلقش و ححاول انزل حاجة جديدة قريبا بإذن الله

منه مرتجى - عازفة الأوتار said...

البحار


عجبى على الضحكة لو تترسم باهتة
عجبى على الصرخة لما تكون ساكتة
عجبى عليك يا حب يا مدوب العشاق
لما يكون نورك شعلة،لكن خافتة

و فضلت أقول عجبى لحد لما نسيت
إنى عشقت سنين و فليله اتحبيت
و نسيت كمان خوفى من بكرة و عمايلة
فسمعت همسة حب فقلبى .... اتخضيت

و مش حقول عجبى من تانى لانسانى
و أنساك كمان و انسى .. بيتك و عنوانى
يمكن فيوم ننسى جرح السنين و ألقى
عيونى تنده ضحكتك و الاقيها فكرانى

احمد حسن احمد said...

عجبى يسوق العجب بعصاية قدامة
من حر صوت الوتر من حلو احلامة
عجبى شوارع فرح مليانه بالزغاريد
عجبى براح اتولد جناحاته ادامه

عجبى كمانجة روح بتغنى كونشرتو
والعزف صوت مجروح والصبر تقسيمته
عجبى عليك ياولد بالشعر كلمته
انت حلاوة بلد بالود تسليمته

كله من ده ياقمر كلامك عسل وداخل دماغى وقاعد قعده بلدى ومش راضى يخرج ....ههههه شكرا لابداعك اللى بيخرجنى من همى وبيودينى رباعياتك لاجل اتربع فيها وانسجم معاها

منه مرتجى - عازفة الأوتار said...

القصة مش قصة عجبى ولا عجبك
القصة قصة شوق شدنى و غلبك
لما الحروف شدت سن القلم فجأة
كتبنا 100 عجبى و اتخضت الورقة

الحزن كان باين و الجرح مش هيّن
و القلب اللى فيوم فكرته أنا حنيّن
هو اللى خلانى كتبت عن عجبى
و مليت سطورها أوام ما الحب كان ذنبى

*******

كلماتك جميلة و جديرة بالمتابعة و الرصد الدائم :)

احمد حسن احمد said...

بحر الكلام مسموح والكلمه فيه موجة
نسكر معاه ونفوق ونسير مع الموجه
بحر الكلام اوتار بتغنى ويانا
واللى يجيد العوم مايخافش مالموجة
وعجبى
عجبى على مجروح شاف الغرام جرحه
يعشق معاه ويروح والفرح مش طرحه
لكن اسير الروح والحلم معشوقه
مهما يعيش مجروح الجرح ده فرحه
وعجبى

منه مرتجى - عازفة الأوتار said...

عجبى على الكلمة لما وجعها يكون
لجرحنا بلسم جوة الألم مدفون
وحدى لكن عايش و الجرح قوانى
و الأهه من عجبى تملى عليا الكون

عجبى يا متفرج على ساحة الأوجاع
فيها الجراح تنشرى ، فيها الوفا ينباع
فيها الحياة جارحة و جراحها مش بتهون
و الحب كان ذكرى ضيّع سنينها و ضاع


عجبى

روابط said...

وعجبـــى .. حلوة الرباعية

منه مرتجى - عازفة الأوتار said...

حازم سويلم

شكرا لمرورك و تعليقك

دمت بود

ahmed_k said...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

r said...

جميله اوى
بس الاجمل الفرحه اللى مش بتتمثل اللى بتتحس بجد
كل سنه وانتى طيبه

حزينه said...

لما الوجع بيزيد بندهلك
بس الوجع بيزيد اكتر لما بعرف انك مش راجع


حزينه

Unknown said...

هو دة معنى الحب الحقيقى الى صعب تقابلة والى اصب من كدة لو فقدتة بتبقى هى دة النهاية تحياتى للكلام الجميل

ahmed_k said...
This comment has been removed by the author.