CLICK HERE FOR THOUSANDS OF FREE BLOGGER TEMPLATES »

Thursday, June 26, 2008

ممنوع الإقتراب

عندى مليون كتاب
فى الفرح و فى العذاب
عنوان على كل صفحة
!!!!! ممنوع الإقتراب
.... عجبى

6 comments:

ahmed_k said...

لو كتب الفرح اكتر من كتب العذاب يبقى معلش مسير الأيام تداوي لكن لو العكس يبقي لازم ناخد تصريح بالأقتراب لعلنا ممكن نساعد ولو نفسيا , ربنا يجعل ايامك كلها سرور وافراح , دمتي بكل خيييير

ورود و أشواك said...

الف شكر يا أحمد على مرورك الرقيق و ردك الجميل

منور المدونة بوجودك

كل تقديرى و احترامى

maha zein said...

طيب خليني مش اعلق علي بوستك الصغنتوت اللى انتي قصده بيه حاجة معينة
بس احب اسال ليه عمله مدونتين طالما حسة انها تشبه مدونتكالتانية
اد ايه بحب التركيز في مدونة واحدة بس
يعني مش بحب صراحة اتابع اكتر من مدونة لشخص واحد
انا عن نفسي عملة مدونة واحدة انها الحياه
اما اقلع همومك فهي مش بتاعتي هي بتاعت كل الناس
يعني مش بكتب فيها
انا بنشر الي بيكتبه الناس من مشاكلهم
والضاحكون دي مجرد انا عضو فيها بشارك ببوستات علي ادي
يعني حاولي تفكري انك تكثفى مجهودك فى حاجة واحدة
الا بقه لوليكيغرض من ده
تشرفت بمعرفتك

ورود و أشواك said...

أهلا يا قمر ...
انا كنت فى الاول مركزة كتاباتى فى مدونة واحدة
بس حسيت ان الرباعيات بالذات ليها ناس معينة بتحبها و بتستمتع بيها
و لأنى بتيجى عليا فترات بكتب رباعيات كتير جدا
بس انا لسة منزلتهمش
حسيت انى لو نزلت الكم ده فى مدونتى العادية اللى انا حابة يكون ليها طابع كلاسيكى شوية و ده ميمشيش مع طابع الرباعيات لو كانت بكثرة
و لو لاحظتى حتلاقى فى رباعيات موجودة فى مدونتى ايام ما كنت ناوية اكتفى بمدونة واحدة
بس لحد دلوقتى بردو حنزل الرباعيات اللى احس انها لمسانى فى مدونتى "عازفة الأوتار" بس مش عايزاها تكون بكثرة علشان المدونة متاخدش الطابع العامى
انا عايزاها فى النص بين الفصحى و العامى



نورتى يا قمر و بجد اوعدك انى حفكر فى حكاية انى ادمجهم مع بعض و لو حسيت انى حرتاح فى دمجهم حدمجهم سوا


نورتينى بجد و انا فرحانة جدا جدا بردودك و الله

ساره البحر said...

بجد رباعياتك جميله وعميقه اوي
انا قريت المدونه كلها دي وعجبتني موت
ربنا يسعدك دايما يارب

ورود و أشواك said...

ميرسى يا سارة على كلامك الجميل ده اللى فرحنى اوى
و يا رب اكون عند حسن ظنك ديما
و مستنية رأيك فى الجديد بقى