CLICK HERE FOR THOUSANDS OF FREE BLOGGER TEMPLATES »

Tuesday, August 26, 2008

يا بحر

يا بحر غنيلى و خد بإيد غربتى
و ارمينى فوق شطك , أصل الرمال صحبتى
دفينى بصخورك و امحى اوام وجعى
و بموجك العالى ارسم خطوط بسمتى
.. و عجبى

22 comments:

penny stock lists said...
This comment has been removed by a blog administrator.
lotto online said...
This comment has been removed by a blog administrator.
ذو الوجه المبتسم said...

ما اجمل الاحساس عندما نناجى البحر والشمس والقمر والنجوم
كلماتك جميلة جدا
وعجبى
لفت نظرى شئ اخر
امرأة من على سطح القمر
لا اعرف شيئا عن اهل الارض
الى اخره
مش عارف اقول ايه
الكلمات تدل على مشاعر واحاسيس رائعة
تحياتى

ahmed_k said...

سبحان الله
البحر بكل جبروته وعظمته
البحر الذي طالما كان سببا في الحزن
بما ابتلع في أحشائه من أعزاء
ورغم كل ذلك
فهو له سحره الذي لا يقارن
وبموجه العالي الذي هو مصدر قوته
يرسم الإبتسامه على شفاهنا
ورود كلماتك رائعه
فالبحر الذي يغضب فيصبح مصدر تعاسه
و ييغضب في أوقات أخرى فيصبح مصدر سرور

وهذا خلق الله
فسبحان الله

ورود و أشواك said...

ذو الوجه المبتسم

ميرسى على كلامك ده بجد انا اللى مش عارفة اقولك ايه
كلامك اسعدنى جدا

يارب اكون استاهله

كل سنة و انت طيب و بكل خير :)

ورود و أشواك said...

احمد
سبحان الله
فعلا كلامك كله صح يا احمد

البحر ليه سحر غريب بيشدنا
بنخاف منه لكن بنحبه جدا


نورتنى يا احمد و كل سنة و انت طيب

رمضن كريم عليك و على الجميع :)

ahmed_k said...

وبما أني من البحر الأحمر
وأنتي من البحر الأبيض
قصدي إسكندريه ههههههه
بس أنا شايف أن الأحمر يكسب
ليه رونقه وهدوئه وسحره الخاص
الذي يتفرد به بين بحور العالم
يعني لا تقوليلي أبيض وأسود وأزرق
إحنا مش بيهمنا
البحر الحمر يا بلاش بحر تاني مينفعناش

yamen said...

سلامو عليكو

بصراحة انا منذهل

ومنذهل دي من اصل "انذهال"..التي هي بمعني اندهاش

انا بجد منبهر بمستوي الكتابة ناهيك عن مضمونها الذي لمسني حتي القاع


تحياتي


و اليك هذه الكلمات..


اهة الم..واحدة
طالعة..من الوحدة
كان نفسي اقولها عشان
يسمعها كل الناس
لكن يادوب قلتها
وماتت..من الوحدة


كل سنة وانتي طيبة

ماء تشرين said...

ولانك يابحر اجمل حاجه فى دنيتى

ماء تشرين said...

على فكره الرباعيات كلها تحفه انا قرتها كلها
ربنا يبركلك يارب بجد حلوين لازم تنزليهم في كتاب

مـجـنـووون said...

كل سنه وانتي بالف خير

بعتقد أن الشعر ده لصلاح جاهين كتبها في الرباغيات بتعته

لو أنتي بتكتبي شعره ، يا ريت نشوف ليكي حاجه من تاليفك أنتي

تقبلي مروري وكلماتي

ورود و أشواك said...

أحمد باشا
البحر لو كان اخضر حتى بيبقى حلو p:
و بعدين هو فى فى جمال البحر الاحمر ؟؟
تسمحلى احسدك بقى ؟؟؟

يا بختك يا عم

و حأجل موضوع الحسد ده لبعد رمضان
لأ و لبعد العيد كمان علشان تعرف اد ايه انا قلبى طيب :)
هع هع هع ضحكة شريرة ههههههه

رمضان كريم عليك

ورود و أشواك said...

يامن

اهة الم قاسية
للماضى مش ناسية
تصرخ بعلو الصوت
تصرخ بأعلى سكوت
كدة او كدة حنضيع
و الآهة مش حتموت


بجد مش عارفة اقولك ايه على كلامك الجميل ده
على فكرة انا كمان حصلى انذهال كدة امبارح لما قريت البوست بتاعك
و معرفتش ابعبر عن انذهالى :)

تسلم ايدك و نورتنى بجد ياريت اشوفك على طول بقى

كل سنة و انت طيب ...

ورود و أشواك said...

ماء تشرين
البحر فعلا شىء جميل جدا
لو ركزتى فيه شوية حتنسى الدنيا باللى فيها

و ميرسى بجد على كلامك اللى اسعدنى جدا و الله

و يارب الرباعيات ديما تكون عند حسن ظنك

اتمنى اشوفك على طول

كل سنة و انتى بالف خير يا رب

ورود و أشواك said...

مجنووون

و انت طيب و رمضان كريم

بس انا بقى اعتقد انه قبل ما تتهم الناس لازم تكون متأكد مش مجرد انك تعتقد يديك الحق بقذف الناس بالتهم !!!!
انا متأثرة بصلاح جاهين فى اسلوب القافية و الوزن اللى بيستخدمه لكنى بستخدم ادواتى الخاصة
و الواضح انك مش بتقرى لجاهين خالص اصلا و متعرفش عنه غير الوزن و القافية اللى بيستخدمهم فى الرباعيات

انا بنصحك انك تقراله لان فلسفته رائعة و نسب رباعيتى البسيطة دى ليه تقليل من شأنه و شرف ليا فى نفس الوقت ...

و ده رابط عليه معظم رباعيات جاهين تقريبا
اتمنى انك تستفيد منه
http://membres.lycos.fr/alsh/roba3iatjahin/

نورت مدونتى المتواضعة

دمت بخير
:)

سنووايت said...

جميلة الرباعية دي
وخصوصا عن البحر
انا لسة راجعه من عنده وبجد حسيت بكل كلمة كتبتيها
تسلم ايدك
كل سنة وانتي طيبة
رمضان كريم

elsha3er said...

عجبى على اهل اسكندرية بجد رائعة وانا حاسس انك متجهه للطبيعة ودة شىء جميل وعلى فكرة انا كمان بكتب شعر عامى وعمودى ومن اسكندرية وانشأالله حنعمل مدونة لكل السكندرين بالتوفيق


احمد الشاعر

أحمد مصطفى said...

أسعدنا زيارتك فى مجلتنا المتواضعة ونرجو من الله أن نكون دائما محط أهتمامك


واضح اننا أمام محبه للشعر من الدرجة الأولى

وأرجو أن تعودى يوما ما الارض وتتركى القمر لسكانه


تحياتى

أحمد مصطفى

عازفة الأوتار said...

سنووايت
ميرسى يا جميل ربنا يخليكى
و يا رب اكون عند حسن ظنك ديما

بجد البحر لما تقعدى قدامه تحسى انه انسان و بيتكلم و شوية حييجى يهمس فى ودنك كمان

جميل البحر جدا


نورتينى يا قمر و كل سنة وانتى بالف خير

عازفة الأوتار said...

الشاعر
الانسجام مع الطبيعة بيدى الانسان طاقة شعورية عالية جدا
لو بصيت و تأملت فى البحر و الشجر و السما و الليل و النهار و القمر و غيره و غيره حتحس انهم دنيا زينا بردو و انهم افراد فى المجموعة دى كل واحد ليه شغله و ليه سكته
فى اللى سكته مبتتقابلش مع التانى و فى اللى بيمشى فى شكل متوازى مع غيره ...
مظاهرو مشاهد كتير اوى تحسها مقتبسة عن عالمنا او ربما عالمنا هو اللى مقتبسها عن الكون


نورتنى و اسعدنى تعليقك جدا

:)

عازفة الأوتار said...

أحمد مصطفى
شكرا ليك تواجدك هنا و تعليقك الرقيق اللى اسعدنى جدا
و المجلة فعلا قيمة و تستحق المتابعة

ألف شكر ليك و اتمنى ان يكون لك تواجد دائم على صفحتى


كل تقديرى و احترامى

كارم said...

في انتظار من تسول له نفسه ف الارتجال الفوري
علي الموبايل ( كارم : 01280099348)